坐地铁的末班车，车厢里人还是很多的。从外环线站头上来一个先生，西装革履，派头十足。伊的耳朵里插着耳麦，一个人在自说自话。伊从一早吃什么早饭讲起，讲了上半天在办公室里忙了点啥，讲了下半天在棋牌室里白相了点啥，还嘻嘻哈哈地讲夜饭上馆子吃了点啥……一刻也没有停，一副旁若无人的样子。伊似乎是在与伊的女朋友打起了一只“长途电话，”讲闲话的声音老响的，弄得半只车厢的乘客只好旁听。交关人对伊白眼睛，瞪眼睛，伊一点点也呒介事，照打不误。
　　
　　终于伊从人民广场站头下车了。车门边上坐着的一位老太刹弗牢，骂了一句山门:“饭泡粥，小男人！”
　　
　　饭泡粥，上海闲话。白米饭加点水一泡，叫饭泡粥。白米饭加点水烧一烧，也叫饭泡粥。上海人欢喜

吃饭泡粥。再买一根油条来蘸点酱油，上海人就这样算吃过一顿早饭了。
　　
　　饭泡粥的引申意思是说话啰嗦。
　　
　　“阿拉外婆最反对我去炒股票了。伊天天会讲一通的，饭泡粥！”
　　
　　“小张做了领导以后，闲话瞎多。开起会来一讲就是几个钟头，饭泡粥得一塌糊涂。”
　　
　　饭泡粥，弗算是粥。本来是讲这样做顿早饭老爽气的。引用到平常的生活里，变成了讲闲话老弗爽快，是啰哩啰嗦的腔调了。
　　
　　人老了，就容易饭泡粥。这也难怪。“树老根多，人老话多，莫嫌我老汉话啰嗦。”这是我读小学辰光课本里的一句话。现在自家也一天一天地老起来，讲点闲话千万来饭泡粥。宁愿把饭烘得生硬些，宁愿把话讲得干脆点。老是把一口饭拌在嘴巴里，侬讲得再吃力，人家听得也吃力。有空。
　　
　　奇怪的是，现在的一些年纪轻轻的朋友，人是后生的，闲话是啰嗦的，吃了一点点的亏就会变成饭泡粥。翻来覆去，喋喋不休。看来，人没有老，心却已经老透了。
　　
　　地铁里的伊个老太要骂一句山门，骂得对。在公共场所高声喧哗是不文明的。这里厢也包括打电话。在日本地铁里，有明确的告示提醒乘客:在车厢里不要使用手机通话。
　　
　　在上海，阿拉刚刚迎来了上海公共交通百周年的纪念活动。在东京，本世纪之初伊拉就庆祝了地下铁一百年的开通生日。这是差距，软实力、硬实力都要比过外国，还要过一段蛮长的日脚。上海的地铁多起来了，啥辰光来完备很多的乘车文明，主管部门责无旁贷。
　　
　　弗讲了。避免饭泡粥。识相。